Футболдан Қазақстан ұлттық құрамасы 2024 жылы Ұлттар лигасының плей-офф ойындарына қатысады, деп хабарлайды kaskelen.kz порталы.
Қазақстан ұлттық құрамасы Еуропа чемпионатына іріктеу кезеңі аясында Словения құрамасынан 2:1 есебімен жеңіліс тапты. Осылайша Дания мен Словения құрамалары кәрі құрлықтың тартысты бәсекесіне тікелей жолдама алды.
Алайда Қазақстан ұлттық құрамасының EURO-2024 турниріне жолдама алатын тағы бір мүмкіндігі бар. 2024 жылдың наурыз айында Ұлттар лигасының плей-офф ойындары басталады. Қазақстандық футболшылар 21 наурыз жартылай финалда Грекиямен күш сынасады. Егер сол матчта жеңсе, 26 наурызда Грузия – Люксембург жұбының жеңімпазымен финалда кездеседі. Шешуші ойынның жеңімпазы Германияда өтетін чемпионатқа жолдама алады.
Еске сала кетейік, Қазақстан ұлттық құрамасы 2022 жылы өткен УЕФА Ұлттар лигасының С тобында 13 ұпай жинап, 1 орын алған еді.
