Ағымдағы жылдың 1 тамызындағы жағдай бойынша Қазақстандағы екінші деңгейлі банктердің активі 56,78 триллион теңгеге жеткен. Актив көлемінің өсімі бойынша алғашқы 8 айда “Қазақстан халық жинақ банкі” АҚ (Halyk Bank) көш бастады,деп хабарлайды kaskelen.kz порталы.
Ұлттық банктің мәліметінше, 1 тамыздағы жағдай бойынша “Қазақстан халық жинақ банкі” АҚ активтерінің сомасы 16,6 трлн теңгені құрайды. 1 қаңтармен салыстырғанда өсім 1,7 трлн теңгені құрады (1 қаңтарда 14,9 трлн теңге). Ал баланстағы жеке капиталдың көлемі тамыз айында 2,6 трлн теңгеге жетті.
Тізімде екінші орында “Kaspi Bank” АҚ тұр. Тамыз айында активтің көлемі 7,39 трлн теңгені құрады, қаңтармен салыстырғанда актив 710 млрд теңгеге өсті (қаңтардағы активтер көлемі 6,68 трлн теңгені құрады). Банктің меншікті капиталы 933 млрд теңгені құрайды.
“Банк Центркредит” АҚ активтердің өсуі бойынша алғашқы үштікке кіреді. Банк активтері қаңтар айында 5,26 трлн теңгені, тамызда 5,88 трлн теңгені құрады. 8 айдағы өсім – 620 млрд теңге. Екінші деңгейдегі банктің балансындағы жеке капиталдың көлемі 519 млрд теңгені құрайды.
“First Heartland Jusan Bank” АҚ активтердің өсуі бойынша алғашқы ондыққа кіреді. 1 тамыздағы жағдай бойынша банктің активтері 3,2 трлн теңгені құрады, бұл 1 қаңтарға қарағанда 420 млрд теңгеге (2,86 трлн) артық. Банктің меншікті активтері оның балансында 763 млрд теңгені құрайды.
“Forte Bank” АҚ активтері 2024 жылдың алғашқы 8 айында 400 млрд теңгеге, 3,44 трлн теңгеден 3,84 трлн теңгеге дейін өсті. Forte Bank балансындағы жеке капитал 461 миллиард теңгеден асады.
“Еуразиялық Банк” АҚ активтердің өсуі байқалған банктердің қатарына кіреді. Қаңтар айында активтер сомасы 2,75 трлн теңгені, тамызда – 3,01 трлн теңгені құрады. Өсім 260 млрд теңгені құрайды. Ал жеке капитал 373 млрд теңгені құрайды.
Активтердің өсу тізіміне “Отбасы Банкі” АҚ да кіреді. Банк активтері қаңтар-тамыз айлары аралығында 3,9 трлн теңгеден 4,1 трлн теңгеге дейін өсті (өсім 200 млрд теңге). Банктің меншікті капиталы 637 млрд теңгені құрайды.
“Bereke Bank” АҚ активтері 2024 жылдың 8 айында 170 млрд теңгеге өсті. Қаңтар айында бұл көрсеткіш 2,07 трлн теңгені, ал тамызда 2,24 трлн теңгені құрады. Жеке капитал-172 млрд.теңге.
“Home Credit Bank” АҚ активтері 2024 жылғы қаңтарда 802 млрд.теңгені, ал тамызда-950 млрд. теңгені құрады. 8 айдағы өсім-148 млрд теңге. Банктің меншікті капиталы 177 миллиард теңгеден асады.
“Bank Freedom Finance Kazakhstan” АҚ активтерінің өсімі 120 млрд теңгені құрады. Қаңтарда банктің активтері 2,21 трлн, ал тамызда-2,33 трлн. Банктің Баладағы меншікті капиталы 150 миллиард теңгеден асады.
“Bank RBK” АҚ активтері де айтарлықтай өсті. Осылайша, қаңтар айында активтер көлемі 2,04 трлн теңгені, ал тамызда – 2,07 трлн теңгені құрап, 34 млрд теңгеге өсті. Қаржы ұйымының жеке капиталы 174 млрд теңгені құрайды.
