Әлеуметтік желіде белгісіз ер адамның дәмхана қызметкерін ұрып-соққан видеосы тарады, деп хабарлайды kaskelen.kz тілшісі Otyrar.kz сайтына сілтеме жасап.
Оқиға 25 қаңтар күні болған. Жәбірленушінің сөзінше, бір топ ер адам дәмханаға телефон сату үшін кірген. Қызметкер олардан дәмханадан шығуын сұрағанда, ашумен жауап беріп, ұрып-соғып кеткен.
Жәбірленуші болған жағдайды айтып, полицияның көмегіне жүгінген. Бірақ олар ер адамды қатаң жазаламайтынын, тек 10 тәулікке қамауға алатынын айтқан. Сонымен қатар қыздың айтуынша, кінәлі тарап өтемақы төлемеген.
Сізге ұнауы мүмкін
“Денем көгеріп қалды, жарақаттар да бар. Бірақ учаскелік полиция істі жауып тастағысы келеді. Мені ұрған адам учаскелік полицияның танысы болып шықты. Сол себепті оны қорғаштап тұр”, – дейді жәбірленуші.
Шымкент қалалық ІІД баспасөз қызметі қазір аталған дерек бойынша тергеу жүріп жатқанын мәлімдеді. Сот-медициналық сараптама тағайындалған. Полиция жәбірленушінің жарақаттары қаншалықты ауыр екенін анықталғаннан кейін барлық қажет шара қабылданатынын айтты.
