Ұлттық қауіпсіздік қызметі Алматыдан “Қаңтар оқиғалары” кезінде ұрланған Калашников автоматы мен басқа қарулардың қоймасын тапқанын мәлімдеді, деп хабарлайды kaskelen.kz.
Ұлттық қауіпсіздік комитеті Алматыдағы қару арсеналы жасырылған орынды 24 қаңтарда анықтаған.
“Калашников” автоматтарын, тапаншалар мен мылтықтарды қоса алғанда 30 қару-жарақ, сондай-ақ 5 граната, 10 түтіндету құтысы және әртүрлі калибрдегі 221 патрон алынды”, –делінген ҰҚК ақпаратында.
Алдын-ала деректерде табылған қару “Қаңтар оқиғалары” кезінде ұрланғаны айтылады.
“Сотқа дейінгі тергеп-тексеру жүргізіліп жатыр”, – деп қосты ҰҚК.
Еске сала кетейік, Қаңтар оқиғасынан кейін еліміздің бірнеше қаласында полиция жасырылған қару қоймаларын анықтады. Қару-жарақ Алматы, Тараз және Талдықорған секілді қалаларда табылды. Тәртіп сақшылары қазіргі күнге дейін әртүрлі қару қоймаларының табылғанын хабарлап келеді.
