Туризм және спорт министрі Ермек Маржықпаев үкімет отырысында жаңа визалар пайда болатынын мәлімдеді, деп хабарлайды kaskelen.kz тілшісі.
Министр қазір Қазақстанда шетел азаматтары үшін қазіргі заманғы көшпенділер визасы – Neo Nomad Visa жүйесін енгізілетінін, оларға елде ұзақ мерзімді болу құқығын беру мәселесі қарастырылып жатқанын айтты.
“Бұл шараны жүзеге асырудан күтілетін экономикалық нәтиже жыл сайын 3 миллиард теңгеден асады. Бүгінгі таңда Neo Nomad Visa жүйесін енгізу механизмі әзірленіп, мүдделі мемлекеттік органдарға жіберілді”, – деп атап өтті ресми өкіл.
Еске сала кетейік, бұған дейін туризм және спорт министрі Ермек Маржықпаев шетелдіктер Қазақстанға виза алуда қиындықтарға тап болғанын мойындаған еді.
