14 тамыздан 15-не қараған түні Дагестан астанасы Махачкалада жанармай құю станциясында жарылыс болып, соңы үлкен өртке ұласты, деп хабарлайды Kaskelen.kz
Mir24.tv мәліметінше, Дағыстанда қайғылы оқиғаға байланысты қаралы күн жарияланды. Бұл туралы республика басшысы Сергей Меликовтың жарлығында айтылған.
Өрт аумағы 600 шаршы метрге жетіпті.
Сізге ұнауы мүмкін
Дағыстан басшысы Сергей Меликов тілшілерге жарылыстың жанармай құю станциясына қарсы бетте болғанын мәлімдеді.
Қазіргі уақытта оның себебі мен салдары анықталып жатыр. Барлығы 8 цистернаның 2-і жарылып кеткен.
Ресми дерекке сүйенсек оқиға салдарынан 12 адам қаза тауып, тағы 66 адам зардап шеккен. Көз жұмғандардың ішінде 2 бала бар. Ал жарақат алған 10 адамның жағдайы ауыр.
Махачкаланың медицина мекемелері күшейтілген режимге ауыстырылды. Ресейдің денсаулық министрлігі Махачкала ауруханаларында төсек орын жеткілікті екенін айтты.
