Осы біздің балаларымыз не жеп жүр? Мектепте қалай тамақтанады? Мектеп асханаларының ас мәзірі талапқа сай ма? Осы сұраққа жауап алу мақсатында kaskelen.kz редакциясы Қарасай ауданына қарасты мектеп асханаларын өз көзімен көріп қайтты.
Біздің халық қашаннан-ақ дастархандағы асқа ерекше мән берген ғой. “Ас –адамның арқауы”, “Ауру-астан” дейтін де біздің қазекең. Құнарлы ас бойға күш-қуат берсе, құнарсыз тамақ дертке душар етеді. Кейде соңғы кездері халық арасында түрлі аурулардың көбейіп кетуі күнделікті тұтынып жүрген тамағымыздан емес пе екен деген де дүдәмал ойға қаласың.
Мектеп асханасы мәселесі, әсіресе, ата-аналарды жиі толғандыратын. Кейде мектеп асханаларында қытырлақ чипсы, кириешки, тәтті сусын секілді тағамдардың сатылуы олардың ашу-ызаларын тудыратыны сөзсіз. Қалай болғанда да, мектеп асханасы бизнестің көзіне айналмауы тиіс.
kaskelenkz Instagram парақшасына мектеп асханасына қатысты хаттар толассыз келді. Хат мазмұндарына сүйенсек, көп ата-аналардың, оларға шағым айтып баратын оқушылардың биылдан бастап бастауыштағыларға берілетін тегін ыстық тамаққа көңілдері толмайтын секілді. Тіпті жазба астында да пікір білдірушілердің көпшілігі де осы санаттан.
“Тамақ бермей ақ бір тоқаш пен бір алма берсе де болар еді”, “Әрине барлық мектеп асханасын тексеру қажет. Бір рет емес, бірнеше рет. Біздікілер тексеріске қалай дайындалатынын білеміз ғой. Мектепте ақылы тамақтың өзін жеу мүмкін емес. Тегін тамақты айтпаса да түсінікті ғой”, – деп пікір жазған.
Десе де жазба астындағы пікірлерге қарағанда барлық мектеп асханасында тегін тамақ көңілден шықпайтын көрінеді. Мысалы, Қайнар, Берлинский сынды мектепте балалары оқитын ата-аналар көңілі толатындарын жеткізген.
“Қайнар жеке мектебінде 500 теңгеге жақсы тамақтандырады. Таңғы ас, сағат 11-ге қарай жеміс-жидек. Түскі асқа бірінші, екінші тағам. Шәй немесе компот. Түстен кейін шәй мен бәліш, банан, ірімшік көмеші. Жақсы тамақтандырады. Өз көзіммен көрдім. 500 теңгеге дәмді тағам әзірлеуге болады ғой. Ендеше басқасы неге әзірлей алмайды. Яғни, өз қалтасына салады деген сөз”.
Атын-атап, түсін түстеп ешқандай мектепке сөз келтіргіміз келмейді. Әр бала үшін бөлінетін ақша да 500 теңгенің айналасы. Десе де, балаларды тамақпен қамтимыз деп тендер ұтып алған соң, барлығы талапқа сай болса екен деп ойлайсың,
