Қазақстанда кеңсе тауарлары күрт қымбаттап кетті, деп хабарлайды kaskelen.kz порталы Ұлттық статистика бюросына сілтеме жасай отырып.
Бюроның мәліметтері бойынша, өткен жылдың шілдесімен салыстырғанда кеңсе тауарларының бағасы 2023 жылдың шілдесінде 64,4 пайызға өсті.
“Атап айтқанда, мектеп дәптерлері 77,2 пайызға, қалам 38,6 пайызға, түрлі-түсті қарындаштар 41,9 пайызға, сурет альбомы 44,1 пайызға қымбаттады”, – делінген хабарламада.
Естеріңізге сала кетейік, бұған дейін білім министрлігінде биыл Мемлекет басшысының тапсырмасы аясында халықтың әлеуметтік осал топтарынан 400 мыңнан астам бала мектеп формасымен және мектеп керек-жарақтарымен қамтамасыз етуге материалдық көмекпен қамтылатынын айтқан болатын.
