Kaskelen.kz Instagram парақшасына оқырмандардан Жамбыл ауданы Ұзынағаш ауылында ойынның кесірінен өзіне өзі қол жұмсаған балаға қатысты хат келіп түсті. Мәселенің анық-қанығын анықтау үшін kaskelen.kz тілшісі құзырлы органдарга хабарласты.
Оқырманнан келген мәліметке сәйкес, Ұзынағаш ауылында 12 жастағы бала телефонындағы ойыннан кейін өзіне өзі қол жұмсаған. Одан бөлек, осыған ұқсас жағдай Қонаев қаласында да орын алған көрінеді.
“Баланың денесін алдымен Ұзынағаштың мәйітханасына апардық. Ол жабық болғаннан кейін Қонаевқа алып келдік. Сол жерде қайтыс болған бала қатарлас, асылып қалған 5 оқушыны алып келді”, – деп жазды оқырман.
Ойынның шартына сәйкес, ойыншы 60-деңгейге жеткеннен кейін, оған тойымды тамақтану тапсырылады. Содан кейін барып шкаф ішіне барып асылу деген тапсырма беріледі.
Оқиғаға қатысты kaskelen.kz тілшісі полиция департаментіне хабарласты.
“2023 жылдың 18 қарашасы күні Жамбыл аудандық полиция бөліміне Ұзынағаш ауылында 2012 жылы туылған кәмелеттік жасқа толмаған бала өзіне өзі қол жұмсағаны туралы хабарлаймыз”, – деді полиция өкілі.
Аталған факт Жамбыл ауданы полциясында Қылмыстық Кодекстің 105-бабында көрсетілген құқықбұзушылық бойынша тіркелді.
Қазіргі уақытта барлық қажетті тергеу амалдары жүргізіліп отыр. Процессуалдық шешім қабылданғанға дейін сараптамалар тағайындалды.
