18 қараша 2026, сәрсенбі
KASKELEN.KZ Қосу
Мұрағат

Коронавирус: Қарасайдағы науқастың жағдайы қалай?

Кеше Алматы облысы Қарасай аудандық ауруханасының инфекциялық бөліміне короновирус жұқтырған облыстың бір тұрғыны жатқызылды, деп хабарлайды Kaskelenkz тілшісі Алматы облысы әкімінің баспасөз қызметіне сілтеме жасап.

Kaskelen.kz редакциясы · 21 наурыз 2020
Коронавирус: Қарасайдағы науқастың жағдайы қалай?
Фото: архив Kaskelen News

Ол 17 наурызда Сауд Арабиясынан Ыстамбұл мен Бішкек арқылы ұшып келген. Бұл Алматы облысында тіркелген 1-ші, ал еліміз бойынша 53-і жағдай.

Сырқаттың айтуынша 19-ынан бастап ауру белгілері байқала бастаған, ол медициналық көмекке 20 наурызда жүгінген. Қазір науқастың жағдайы орташа ауыр деп бағаланып отыр.

Оның 11 адаммен байланыста болғаны анықталды, соның 4-еуі – өз отбасының мүшелері, 3-еуі – құлшылыққа бірге барғандар, 2-еуі достары. Байланыста болған басқалары анықталуда, облыс аумағында тұратын, сырқатпен байланыста болғандар провизорлық стационарға оқшауланады.

Сапардан келгеннен кейін Жамбыл облысы мен Алматы қаласында байланыс жасаған азаматтары туралы мәліметтер тиісті органдарға берілді.

Алдағы уақытта Қарасай, Талғар, Іле аудандарына кіре берістерде қосымша 14 блок-пост орнатылады. Осы посттар арқылы ары-бері өткен адамдардың дене қызулары тексеріліп, көліктер дезинфекцияланатын болады, деді өңір басшысының баспасөз хатшысы.

Материал из архива Kaskelen News (qaskelen.kz), впервые опубликован 21 марта 2020 года.
Қате таптыңыз ба, әлде жаңалығыңыз бар ма?
Редакция әр хатты оқиды.
Редакцияға жазу