18 қараша 2026, сәрсенбі
KASKELEN.KZ Қосу
Мұрағат

Қарасай ауданының 90 жылдығы атап өтіледі

Қарасай ауданының 90 жылдығы кең ауқымда аталып өтеді, деп хабарлайды Kaskelenkzтілшісі.

Kaskelen.kz редакциясы · 8 қазан 2019
Қарасай ауданының 90 жылдығы атап өтіледі
Фото: архив Kaskelen News

Биыл Қарасай ауданының құрылғанына 90 жыл толады. Қарасай ауданы — Алматы облыстың оңтүстігінде орналасқан әкімшілік-аумақтық бөлік. 1929 ж. құрылған. Алғашында Ленин, кейіннен (1935 ж. дейін) Калинин, 1935 жылдан Қаскелең, 1998 ж. қыркүйек айынан қазіргі атымен аталады. Жерінің аумағы 2,1 мың км². Халқының саны 270 700 адам.

Ауданды көптеген абыройлы азаматтар басқарған. Қазіргі кездегі Қарасай ауданының басшысы - Далабаев Жандарбек Ермекұлы. Биылғы ауданның мерейтойына орай, Жандарбек Ермекұлының бастамасымен көп жұмыстар атқарылды. Қаскелең қаласы өзгеше түрге еніп, құлпыра түсті. Мәдениет үйінің алдына жаңа саябақ пен мерекелік шаралар өтетін алаң жасалып, аудандық әкімдік алдына Қарасай батырға арналған жаңа ескерткіш орнатылды.

Ертең, яғни, 9.10.2019 жылы ауданның 90 жылдығына орай ауқымды салтанатты жиындар ұйымдастырылады деп күтілуде. Оның ішінде "Киелі өлке - Қарасай" халықаралық ақындар айтысы бар. Ал, 10.10.2019 жылы "Нұрдәулет" ипподромында аламан бәйге болады.

Мерекелік шаралар легін осы күндері Kaskelenkz ютубарнасынан, тікелей эфирден көре аласыздар!

Материал из архива Kaskelen News (qaskelen.kz), впервые опубликован 8 октября 2019 года.
Қате таптыңыз ба, әлде жаңалығыңыз бар ма?
Редакция әр хатты оқиды.
Редакцияға жазу