18 қараша 2026, сәрсенбі
KASKELEN.KZ Қосу
Мұрағат

Шамалғанда көкпар өтеді

Шамалған ауылында көкпар ойыны өтеді, деп хабарлайды Kaskelenkz тілшісі.

Kaskelen.kz редакциясы · 31 қазан 2019
Шамалғанда көкпар өтеді
Фото: архив Kaskelen News

Ұлттық ат спорты ойындарының бірі - көкпар бүгінгі таңда жастар арасында үлкен қызығушылық туғызуда. Бұл әрине, көңіл қуантады. Себебі, бұл желмен жарысқан жүйріктің құлағында ойнап, тақымының мықтылығын, білегінің күштілігін байқатқан қазақ жігіттерінің көптігін, жастар арасындағы салт-дәстүрге деген сүйіспеншіліктің артқандығын айқындайды. Естетріңізде болса, былтыр ауқымды көкпар тартысы көршілес Жамбыл ауданында өткен еді. Сол кезде жамбылдық жігіттер эстафетаны қарасайлық азаматтарға жолдаған. Яғни, бұл – ауылы аралас, малы қоралас жатқан шекаралас екі ауданның ерлерінің бауырмалдығы мен достығының дәлелі деуге негіз бар.

Енді, Қарасай ауданының 90 жылдық мерейтойының құрметіне, көкпаршыларымыздың кезекті жарысы Шамалған ауылында өтпек. 2.11.2019 жылы «Үшқоңыр» спорт кешеніне қарама-қарсы орналасқан аумақта, сағат 10.00-де ұйымдастырылатын мықтылар бәсекесін жіберіп алмаңыздар.

Материал из архива Kaskelen News (qaskelen.kz), впервые опубликован 31 октября 2019 года.
Қате таптыңыз ба, әлде жаңалығыңыз бар ма?
Редакция әр хатты оқиды.
Редакцияға жазу