18 ноября 2026, среда
KASKELEN.KZ Добавить
Архив

Көлік полицейлері Алматы облысының 51 жастағы тұрғынын теміржол бойында мал жайғаны үшін әкімшілік жауапкершілікке тартты

«Қопа-Жиренайғыр» аралығында жүк поезының машинисі темір жол бойында бір отар қойдың болуына байланысты шұғыл тежеу қолданды. Басып кетудің алдын алу мүмкін болмады, нәтижесінде поезд 14 қойды қағып кетті.

Редакция Kaskelen.kz · 5 февраля 2021
Көлік полицейлері Алматы облысының 51 жастағы тұрғынын теміржол бойында мал жайғаны үшін әкімшілік жауапкершілікке тартты
Фото: архив Kaskelen News

Пойыздың тұрағы 9 минутты құрады. Бұл туралы Көліктегі полиция департаменті бастығының міндетін атқарушы Сарықұл Жоланов мәлімдеді.

Оның айтуынша, Желілік полиция бөлімшесінің қызметкерлері жедел-іздестіру шаралары барысында Шамалған станциясында үй жануарларының иесі болып табылатын Алматы облысының 51 жастағы тұрғынын анықтады.

«Ер адам ҚР ӘҚБтК-нің 559-бабының 1-бөлігі бойынша, яғни, темiржолдардың бөлінген жолағында мал жаю қағидаларын бұзғаны үшін әкімшілік жауапкершілікке тартылып, оған қатысты әкімшілік хаттама толтырылды», - деді полиция полковнигі.

Еске сала кетейік, ағымдағы жылдың қаңтар айында пойыздардың шұғыл тежелуінің 145 фактісі тіркелді, оның ішінде адамдардың болуы себебінен - 37, теміржол төсемінде малдың болуымен байланысты - 108.

Материал из архива Kaskelen News (qaskelen.kz), впервые опубликован 5 февраля 2021 года.
Нашли ошибку или есть новость?
Редакция читает каждое сообщение.
Написать редакции