18 ноября 2026, среда
KASKELEN.KZ Добавить
Архив

Шетелдік менторлар Қаскелеңде дәріс беруде

Қаскелең қаласындағы С.Демирел университетінде MIT стандарттарына сай IT технологиялары саласында білім беру жобасы басталды.

Редакция Kaskelen.kz · 23 января 2019
Шетелдік менторлар Қаскелеңде дәріс беруде
Фото: архив Kaskelen News

Жобаның аясында 2019 жылдың 14 қаңтары мен – 1 ақпаны аралығында АҚШ-ң дүниежүзіндегі ең ірі жоғарғы оқу орнының магистрлері отандық ЖОО-ң инженерлік факультет студенттеріне арнайы шеберлік сағаттары мен оқу-жаттығу курстарын өткізеді. Оқыту процесі тегін.

-Қазақстандық студенттерді оқытуға әлемдегі белді техникалық жоғары оқу орнының менторлары келіп отыр. Ол Монғолиялық Тугсу Манлайбатор, МIT –ң 4-курс студенті және МIT магистрі - Каролин Холз. Тугсу «Машиналық оқытуға кіріспе», бойынша дәріс оқыса, Каролин заманауи дизайнның негіздері бойынша курс жүргізеді,- деп баяндады СДУ магистрі, жобаның жетекшісі Мерарслан Мералиев.

Қазіргі уақытта білім беру курстары екі санат бойынша жүргізілуде: СДУ базасында - алматылық жоғары оқу орындарының студенттері үшін, сондай-ақ Қазақстанның өзге өңірлерінің тыңдаушылары үшін онлайн түрде өтуде, олардың арасында мектеп оқушылары, білім беру мекемелерінің оқытушылары және студенттер бар. Жалпы оқыту бағдарламасы 50-ден астам тыңдаушыларды қамтиды.

Дәрістер ағылшын тілінде өтеді. Курс аяқталғаннан кейін тыңдаушыларға сертификаттар беріледі.

Материал из архива Kaskelen News (qaskelen.kz), впервые опубликован 23 января 2019 года.
Нашли ошибку или есть новость?
Редакция читает каждое сообщение.
Написать редакции