21 тамыздан бастап Onay картасы мен SMS арқылы төлеген кезде Алматының қоғамдық көлігінде 100 теңге алынады, деп хабарлайды kaskelen.kz порталы.
Алматыда 21 тамыздан бастап қоғамдық көлікте жол жүру қымбаттады. Қолма-қол ақшасыз төлем кезінде тариф 100 теңгені, қолма-қол ақшамен төлеу кезінде 200 теңгені құрайды.
“Алматы көлік холдингі” ЖШС ақпараты бойынша, барлық жолаушылар арасынан шамамен 97% жолақысын Onay карталарымен, сондай-ақ QR-код немесе SMS-хабарлама арқылы Onay қосымшасында төлейді. Жалпы, қоғамдық көлікті күніне 1,4 миллионға дейін адам пайдаланады.
Алматы әкімінің орынбасары Асқар Әміриннің айтуынша, жаңа тарифтерді қолдану 2023 жылы субсидиялар сомасын шамамен 10 млрд теңгеге төмендетуге мүмкіндік береді.
