Алматы облысының Сыбайлас жемқорлыққа қарсы қызметі Қарасай ауданы әкімінің заңсыз әрекетін анықтап, айыппұл салды.
Нақтырақ айтар болсақ, мониторинг жүргізу кезінде аудан әкімі Жасұлан Естенов активтер мен міндеттемелер туралы декларацияларды ұсынбаған үміткерді аудандық кәсіпкерлік бөлімі басшысының міндетін атқарушы лауазымына тағайындаған. Бұл Сыбайлас жемқорлыққа қарсы заңнамаға қайшы келеді.
Қарасай ауданының әкімі
Ашық дерекөздерге сүйенсек, аудандық кәсіпкерлік бөліміне Жандос Базарбаев тағайындалған. Ол қызметтік жолында салық басқармасында, әкімдікте, қаржы саласында мемлекеттік қызметте жұмыс істеген.
Жандос Базарбаев
Бөлім басшысы мемлекеттік функцияларды орындауға уәкілетті тұлға. Сондықтан бұл ҚР ӘҚБтК-нің 680-бабында көзделген талаптарды бұзу болып табылады (мемлекеттік органдар басшыларының сыбайлас жемқорлыққа қарсы іс-қимыл жөніндегі шараларды қабылдамауы).
Аталған тұлғаға қатысты әкімшілік хаттама жасалды. Істі қарау барысында әкім кінәсін толық мойындады, – делінген антикор таратқан ресми хабарламада.
Нәтижесінде әкімге 50 АЕК немесе 172 500 теңге көлемінде айыппұл салынды.
Айта кетейік, бұған дейін Алматы облысының Сыбайлас жемқорлыққа қарсы қызметі Қарасай ауданының сәулет және қала құрылысы бөлімінің басшысы мен ауыл шаруашылығы және жер қатынастары бөлімінің басшыларына қатысты пара алу фактісі бойынша қылмыстық іс қозғады. Қазіргі таңда тергеу амалдары жүріп жатыр.
Осы орайда, жұртшылық арасында «қол астындағы екі қызметкерінің кінәсі дәлелденсе, аудан әкімі өз еркімен жұмыстан кетуге дайын ба?» деген заңды сұрақ туындауда. Ал оны уақыт көрсетер…
Соңғы айда жер сілкінісі Алматылықтардың қорқынышты түсіне айналды. Бұл табиғат құбылысы Алматыға қалыпты жағдай болғандықтан, оған әрдайым дайын болу керек....
Алматы облысында әйел екі баласын қарай алмағандықтан, оларды полиция қызметкерлеріне тапсырып кеткен. Қарасай ауданында кәмелетке толмағандарды қабылдайтын орын болмағандықтан, екі...
Алматы облысында құрсақтағы баласын сатуға тырысқан 24 жастағы шетелдік әйел ұсталды, деп хабарлайды kaskelen.kz порталы. Алматы облыстық полиция департаментінің бастығы...
Алматы облысының Сыбайлас жемқорлыққа қарсы қызметіне жер қойнауын пайдаланғаны үшін негізсіз салынған салыққа шағымданып жүгінді, деп хабарлайды kaskelen.kz. «Жер қойнауы...
