Алматы облысында Қарасай ауданының әкімі сыбайлас-жемқорлыққа қарсы заңнаманы бұзғаны үшін жауапқа тартылды, деп хабарлайды kaskelen.kz порталы.
Осылайша, мониторинг барысында сыбайлас-жемқорлыққа қарсы қызмет әкімнің Қарасай ауданының кәсіпкерлік бөлімі басшысының м.а. лауазымына кандидатты активтері мен міндеттемелері туралы декларацияны ұсынбай тағайындағанын анықтады.
“Бөлім басшысы мемлекеттік функцияларды орындауға уәкілетті тұлға болып табылады. Осыған байланысты декларацияларды ұсынбау ҚР ӘҚБтК-нің 680-бабында көзделген талаптарды бұзу болып табылады”, – делінген Алматы облысының сыбайлас-жемқорлыққа қарсы қызметінде.
Әкімге қатысты әкімшілік хаттама жасалды. Айыпталушы кінәні толық мойындады.
Нәтижесінде әкімге 50 АЕК (172 500 теңге) мөлшерінде айыппұл салынды.
Бұған дейін Щучинск қаласының әкімі Олжас Нұрмағамбетов Халықпен жанжалды тікелей эфир үшін жазаланды. Қала басшысы қойылған сұрақтарға жауап берудің орнына қоштасты, бірақ тікелей эфир өшірілмеді. Әкімнің қала тұрғындарына қатысты дөрекі сөйлегені хабарланды.
