Генерал-лейтенант Амангелді Шабдарбаев қаңтар оқиғасы кезіне дейін билікте қандай жағдай болғанын ашып айтты, деп хабарлайды Kaskelen.kz
Бұл туралы ол Abay Live YouTube арнасына берген сұхбатында бөлісті.
Қаңтарға дейін шамамен бір жыл бұрын Дариғаға: сен боласың деп әбден сендіріп тастаған. Дариға Назарбаева келісті, Кәрім Мәсімов куәмін деді. Дариға қуанғаннан достарының бәрін жинады, арасында Балиева да бар. Нұрсұлтан Назарбаев Кәрім Мәсімовке «мыналардың не істейтінін жазып ал» деп тапсырма берді. Сонда ол өзінің президент болатынын айтып, кімнің басын жұлып алатынын, кімге не істейтінін айтқан ғой. Ертеңіне видеоны көрген Нұрсұлтан Әбішұлы қызына: «мына түріңмен қалай президент боласың?» деп, Сенаттан алып тастады. Біраз уақыт ешқайда жақындатпай қойды, – деді Шабдарбаев.
Амангелді Шабдарбаев Кәрім Мәсімов туралы да тілге тие кетіп, оның жеке мақсаттарын жайып салды.
“Ол маған да, басқаларына президент болатынын айтты. Ол әдейі айтатын, найман болды, қазақша сөйлемек болды. Мәсімов – өте сақ адам, бірақ қорқақ. Ол ашық айтпайды, бірақ араға адам салып қояды. Ол қу, Назарбаев оған сеніп кетті. Ол маған жаңа жыл басталғанда бәрі өзгеретінін айтты. “Назарбаев кетеді” деді. Қаңтар басталғанда Мәсімовтің сөзі есіме түсіп таңғалдым”, – деді ол.
