Жол-көлік оқиғасы болған кезде жаяу жүргінші де кінәлі болуы мүмкін. Ал бұл жағдайда 20 АЕК-ке дейін айыппұл салынады. Жаяу жүргіншілерге арналған ережелер туралы толығырақ kaskelen.kz материалын оқыңыз.
Жол қозғалысына қатысушыларға автомобильдер, мотоциклдер, мопедтер және басқа да көліктер ғана емес, жаяу жүргіншілер де кіреді.
Сондықтан жол қозғалысы ережелерінде олардың құқықтарына, жауапкершілігіне және қауіпсіздігіне әсер ететін тармақтар бар. Алайда, жол қозғалысы ережелерін бұзу арқылы жаяу жүргіншілер жол-көлік оқиғасына кінәлі болып, үшінші тұлғаларға зиян келтіруі мүмкін.
Заңда не делінген?
Қазақстан Республикасының әкімшілік құқық бұзушылық туралы кодексінің 615-бабы – “жаяу жүргіншілер мен басқа да жол қозғалысына қатысушылардың жол қозғалысы ережелерін бұзуын”қарастырады.
Осы бапта бұзушылықтардың келесі түрлері және оларға қатысты жазалар қарастырылған:
- Жаяу жүргіншілер мен басқа да жол қозғалысына қатысушылардың жол қозғалысы ережелерінің талаптарын сақтамауы екі айлық есептік көрсеткіш мөлшерінде айыппұл салуға әкеп соғады (2024 жылы 7 384 теңге).
- Осы баптың бірінші бөлігінде көзделген, жәбірленушінің денсаулығына қылмыстық құқық бұзушылық белгілерінсіз зиян келтірген немесе материалдық залал келтірген әрекет он айлық есептік көрсеткіш мөлшерінде айыппұл салуға әкеп соғады (2024 жылы 36 920 теңге).
- Осы баптың бірінші бөлігінде көзделген қайталама акт әкімшілік жаза қолданылғаннан кейін бір жыл ішінде он айлық есептік көрсеткіш мөлшерінде айыппұл салуға әкеп соғады (2024 жылы 36 920 теңге).
- Осы баптың екінші бөлігінде көзделген, әкімшілік жаза қолданылғаннан кейін бір жыл ішінде жасалған қайталанған әрекет жиырма айлық есептік көрсеткіш мөлшерінде айыппұл салуға (2024 жылы 73 840 теңге) немесе үш тәулікке әкімшілік қамауға алуға әкеп соғады.
Сондықтан жаяу жүргіншілер де жауапкершілікті ұмытпауы керек.
