Алматы облысының Еңбекшіқазақ ауданында екі кісі өлтіріп, қарақшылық шабуыл жасағаны үшін Қазақстанда іздеуде жүрген ер адам Өзбекстанда ұсталды, деп хабарлайды kaskelen.kz тілшісі ulp.uz сайтына сілтеме жасап.
Қылмыскерді ұстау бойынша бірлескен операцияны екі елдің құқық қорғау органдары Наманган облысының Үшқорған ауданында жүргізді.
“Бұл қайғылы оқиға екі мемлекеттің құқық қорғау органдары арасындағы ұзақ тергеу мен ынтымақтастығының басты тақырыбына айналды және ақыры сәтті нәтижеге әкелді”, – деп жазды басылым.
Қылмыскер 12 жыл бойы жасырынып келген. Ұсталған азамат істі одан әрі қарап, сот шешімін шығару үшін құзырлы органдарға тапсырылады.
