Асу Алмабаев 2024 жылы UFC промоушеніндегі екінші жекпе-жегін өткізеді, деп хабарлайды kaskelen.kz порталы First Round Management ұйымының Instagram-дағы ресми парақшасына сілтеме жасап.
Қазақстандық Асу Алмабаев UFC-дегі екінші кездесуін америкалық Си Джей Вергараға қарсы өткізеді. Екі спортшы арасындағы жекпе-жек 2024 жылы 9 наурызға жоспарланған. Аса жеңіл салмақтағы файтерлер UFC 299 турнирінде күш сынасады.
Си Джей Вергара UFC промоушеніндегі мансабын әйгілі Оди Осборнға қарсы бастаған еді. Бірақ та төрешілер шешімімен қарсыласына есе жіберді.
Еске сала кетейік, Асу Алмабаевтың да UFC лигасындағы алғашқы қарсыласы Оди Осборн (12-5) еді. Бұл жекпе-жекте қазақстандық файтер қарсыласына қылқындыру әдісін сәтті жасап, жеңіске жетті.
