Астанадағы №14 мектептің оқушысы үзіліс кезінде баспалдақтан құлап түсті, деп хабарлайды kaskelen.kz қаланың білім басқармасына сілтеме жасап.
“№14 мектеп-гимназиясының оқушысы екінші қабатқа көтерілгенде баспалдақтан құлады. Баланың айтуынша, оны сыныптасы итеріп жіберген. Оқиға орнына жедел жәрдем шақырылды. Бала қалалық балалар ауруханасында. Жағдайы тұрақты. Комада болған жоқ. Мектепте баспалдақ қоршаулары бар”, – делінген хабарламада.
Қазір мектеп директорына қатысты шараларды қолдану қарастырылуда.
“Іс ҚР ҚК 141-бабы бойынша қозғалды “жас азаматтың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау”. Барлық қажетті шаралар қабылдануда”, – деп хабарлады қалалық полиция департаменті.
