Экс-президент Нұрсұлтан Назарбаевтың туған інісі Болат Назарбаев қайтыс болды, деп хабарлайды kaskelen.kz.
Ол 13 қазанда сағат 9:51-де 70 жасында бақилық болды.
Сағат 9:28-де (Болат Назарбаевтың) жүрегі тоқтады. 23 минутта реанимация жүргізілді. Алайда ол тиімсіз болып шықты, – деп жазылған хабарламада.
Айта кетейік, Болат Назарбаев 1953 жылы 23 наурызда туған.
1973-1988 жылдары «Шамалған» кеңшарында механик, аға механик, бригадир, директордың орынбасары болған.
1988-1989 жылдары – Қаскелең қаласы нан зауыты директорының орынбасары.
1989 жылдан 1992 жылға дейін кәсіпкерлік қызмет атқарған.
1992-1997 жылдары «Инкар Агро» ЖШС-ның вице-президенті болды. Ол – BN Invest холдингінің директоры.
