EURO-2024 іріктеу кезеңінде Дания құрамасы словениялықтарды жеңіп, чемпионатқа мерзімінен бұрын жолдама алды, деп хабарлайды kaskelen.kz.
Кездесу 2:1 есебімен аяқталды. Дания құрамасынан Йоаким Меле мен Томас Дилейни гол салса, словениялықтар қатарында Эрик Янжа көзге түсті.
Нәтижесінде Дания 22 ұпай жинап, Еуропа чемпионатына жолдама алды. Екінші тікелей жолдаманы Қазақстан мен Словения құрамалары сарапқа салатын болады.
Қазіргі сәтте словениялықтар 19 ұпаймен екінші орында, Қазақстан құрамасы 18 ұпаймен үшінші орында тұр. Шешуші матч 21 қарашада өтеді.
