ҚР Ұлттық банкінің төрағасы Тимур Сүлейменов ел аумағында ескі 5 және 10 мың теңгелік купюра жаңасына қашан айырбасталатынын түсіндірді, деп хабарлайды kaskelen.kz тілшісі.
«Оларды арнайы ауыстырмаймыз, яғни біз барлығын ескі купюраларды әкелуге мәжбүрлейміз деген түсінік жоқ. Екі жыл бойы ескі ақша айналымда қатар жүреді. Ескі банкноттар толығымен таусылғанша қабылданады», – деді Т. Сүлейменов елордада өткен баспасөз мәслихатында.
Осы орайда ол елімізде ескі купюралар әлі де емін-еркін айналымда болатынын айтты.
«Егер сізде ескі бес және он мың теңгелік купюралар болса, олармен төлеуге болады. Қалай болғанда да банктер оларды қабылдап, жаңасына айырбастайды», – деді ҰБ басшысы.
Еске сала кетейік, күзде «сақ стиліндегі» жаңа 10 000 теңгеліктер жаппай таралады.
