Бұдан былай Қазақстанда тұтынушыдан қолма-қол ақша талап ететін кәсіпкерлер әкімшілік жауапкершілікке тартылады. Айыппұлдың көлемі 157 мың теңге болмақ, деп хабарлайды kaskelen.kz тілшісі Информбюро арнасына сілтеме жасап.
Кірістер комитетінің мәліметі бойынша, талапқа бағынбаған кәсіпкерлер жазаланады.
Елімізде соңғы кездері дүкендерде төлемді QR немесе банк аударымы арқылы алуға қарсылық білдіретін жағдайлар жиілеген. Сатушылар түрлі сылтау айтып, табысын жасыруға тырысады екен. Мұндай жағдайда тұрғындар бірден кірістер департаментіне шағымдана алады.
Сонымен қатар биылдан бастап қазақстандықтардың мобильді аударымдары бақылауға алынған еді. Енді бір айда 100 немесе одан көп тұлғадан мобильді аударым арқылы 255 мың теңге төлем жасалса тұрғындар кәсіпкер ретінде тіркелуге міндетті.
“Сатушы өз тарапынан төлемді үш түрлі жолмен қабылдау керек. Бірінші қолма-қол ақша, екінші карта, үшінші кюар код арқылы қабылдауға міндетті. Егер сатып алушыға жоқ мен олай қабылдамаймын, қолма қол ақша ғана қабылдаймын деген сауал қойылса ол демек заңға қайшы келіп тұр”, – дейді заңтер Венера Нұрғалиқызы.
Еске сала кетейік, бұған дейін Қазақстанда 225 мың теңгеден асатын аударымдар тексерілетіні мәлім болған еді.
