Дана Уайт UFC-дің жеңіл салмақтағы чемпионы ресейлік Ислам Махачев пен бразилиялық Чарльз Оливейра арасында реваншты ұйымдастырғысы келеді. Бұл туралы UFC 294 Абу-Даби (БАӘ) турнирінен кейінгі баспасөз мәслихатында промоушен басшысы мәлімдеді, деп хабарлайды kaskelen.kz тілшісі.
Бастапқыда UFC 294-тің басты жекпе-жегінде Махачев пен Оливейра шайқасуы керек еді. Бірақ жаттығуда ауыр жарақат алған Оливейра жекпе-жектен бас тартуға мәжбүр болды. Нәтижесінде оны жартылай жеңіл салмақтағы чемпион Александр Волкановски алмастырды. Ислам Волкановскиді бірінші раундта нокаутқа жіберіп, чемпиондық белбеуін сақтап қалды.
Ислам мен Чарльз 2022 жылы күш сынасқан, ол кездесу Исламның қылқындыру әдісімен жеткен жеңісімен аяқталған.
