Атырау облысында полиция қызметкерлері баланы кәріз құдығынан құтқарды, деп хабарлайды kaskelen.kz порталы. Видеоны мына сілтеме арқылы көре аласыз.
19 қыркүйек күні кешке Аққыстау ауылының 30 жасар тұрғыны полицияға хабарласып, 5 жасар ұлының 20 минут бұрын үйден жоғалып кеткенін хабарлады.
Кентте жедел-іздестіру жұмыстары басталды. Полиция қызметкері тұрғын үйдің ауласындағы кәріз шұңқырынан шыққан дыбыстарды естіді.
“Жағдайдың барлық қауіптілігін түсініп, ол әріптестерін көмекке шақырды. Кәріз құдығының қақпағы тар болғандықтан, баланы жарақаттамау үшін оны құтқаруға шамамен 5 минут уақыт кетті”, – деді Атырау облысы ПД баспасөз қызметі.
Дәрігерлер баланы тексерді, бәрі жақсы.
