2025 жылы Қазақстан жолда жүру бойынша Numbeo рейтингінде 89 елдің арасында 47-орынға тұрақтады. Біздің елдің индексі — 134,9 балл, деп хабарлайды kaskelen.kz тілшісі Finprom.kz ресурсына сілтеме жасап.
Рейтинг елдерді бірнеше көрсеткіш бойынша салыстырған:
- Уақыт индексі, яғни адамдар орташа есеппен бір нүктеге жетуге немесе бір нүктеден келуге қанша уақыт жұмсайды;
- CO₂ шығарындыларының индексі, яғни бір сапар барысында қалдықтың көлемі;
- Тиімділік индексі, яғни көлік жүйесінің тиімділігін бағалау. Тұрғындар қоғамдық көліктен гөрі жеке көлікті таңдайды немесе жолға тым көп уақыт жұмсауға мәжбүр.
Жолда ең көп уақыт өткізетін елдер рейтингінде Қазақстан 41-ші орынды иеленді. Қазақстан бойынша сапардың орташа ұзақтығы 35,5 минутты құрайды. ТМД елдерінің ішінде ресей (43,3 минут), Әзірбайжан (40,6 минут) және Украина (37,9 минут) тұрғындары межелі жерге ұзағырақ жетеді. Армения (29,3 минут) және Беларусь (31,2 минут) тұрғындары жолда аз уақыт өткізеді.
Әлемде Нигерия халқы (65,3 минут) жолда көп уақыт өткізеді, ал Исландия халқы межелі жерге тезірек жетеді (21,4 минут).
Жолдағы CO₂ шығарындыларының деңгейі бойынша Қазақстан әлемдегі 89-дан 47-ші орынды иеленді. Елдің бір жеріне бару үшін 3,9 килограмм көмірқышқыл газы қажет. Ең жоғары көрсеткіштер Коста-рика мен Оңтүстік Африкада (әрқайсысы 9,5 кг), сондай-ақ Ливанда (9,3 кг) тіркелді. Шығарындылардың ең төменгі деңгейі Албанияда (1,5 кг), Финляндияда (1,6 кг) және Австрияда (1,6 кг) байқалды.
ТМД елдерінің ішінде көліктен ауаның ең көп ластануы Әзірбайжан мен Ресейде (әрқайсысы 4,2 кг), сонымен қатар Украинада (3,9 кг) байқалады. Ең төменгі көрсеткіш Арменияда (2,7 кг) және Беларуссияда (3,3 кг) тіркелді.
Өткен жылы Қазақстанда қоршаған ортаны қорғауға 52,8 млрд теңге инвестицияланды, бұл 2023 жылмен салыстырғанда 74,9%-ға аз.
Өңірлердегі ең ірі инвестициялар Павлодар облысында 15,3 млрд. теңгеге, одан кейін Қарағанды (12,9 млрд.теңге) және Атырау (7,3 млрд. теңге).
Қаржыландырудың негізгі көзі, яғни 93,8% кәсіпорындардың жеке меншігінен алынады. Банк несиелерінің көлемі 1,6 млрд.теңгені құрады.
Айта кету керек, қазір елімізде ақылы негізде 3,6 мың шақырым жол жұмыс істейді. Ал жыл соңына дейін бұл көрсеткіш 4 мың шақырымға дейін артады.
