Қазақстандықтардың 2024 жылдың алғашқы үш айында азық-түлік пен алкогольсіз сусынға жұмсап, бір жылдың ішінде бұл көрсеткіш 21,1 пайыз өсті, деп хабарлайды kaskelen.kz тілшісі Finprom.kz порталына сілтеме жасап.
«Биылғы бірінші тоқсанда әрбір орташа статистикалық тұрғын азық-түлік пен алкогольсіз сусынға 131,3 мың теңге жұмсаған. Бұл бір жылғы көрсеткіштен 6,7% артық. Салыстырып айтсақ, былтырғы бірінші тоқсанда бұл шығынның жан басына шаққандағы көлемі 123,1 мың теңге болған. Ал жылдық өсім 21,1%-ге жетіп отыр. Бес жыл бұрынғы кезеңді қарасақ, 2019 жылдың бірінші тоқсанында қазақстандықтар ішіп-жемге 72,3 мың теңге жұмсаған. Яғни қазіргіден 44,9% аз», — деп жазылған сараптамада.
Өңірлер бойынша алсақ, ішіп-жемге ең көп ақша шығындайтындар Алматы қаласында (181,5 мың теңге), Шығыс Қазақстан (152,1 мың теңге) және Маңғыстау (146,7 мың теңге) облыстарында тұрады.
Азық-түлік пен алкогольсіз сусынға ең аз ақша жұмсайтын өңірлердің үштігіне Қызылорда (104,6 мың теңге), Ақтөбе (106,4 мың теңге) және Түркістан (110,4 мың теңге) облыстары кірген.
«Қазақстандықтардың азық-түлік пен алкогольсіз сусындарға жұмсайтын ақшаларының үштен бір бөлігі ет пен ет өнімдеріне кетеді — 43,3 мың теңге. Бұл бір жыл бұрынғы көрсеткіштен 6,4% көп. Одан кейін көп ақша шығындайтын өнімдер — нан және жарна өнімдері (кісі басына 20,5 мың теңге), сүт өнімдері (14,5 мың теңге), жеміс-жидек (11,6 мың теңге) және көкөніс (8,9 мың теңге). Әрбір қазақстандық үш айда қант пен кондитер өнімдеріне, тәттілерге орта есеппен 8,7 мың теңге, май өнімдеріне 6,7 мың теңге, балық пен теңіз өнімдеріне 5,9 мың теңге, алкогольсіз сусындарға 5,8 мың теңге, жұмыртқаға 3,3 мың теңге жұмсаған», — деп жазады Finprom.kz.
