Жүргізілген зерттеулердің қорытындысы бойынша Алматы облысы Жамбыл ауданы Үлкен ауылының аумағы АЭС құрылысының ең қолайлы ауданы ретінде таңдалды, деп хабарлайды kaskelen.kz тілшісі ҚР Энергетика министрлігіне сілтеме жасап.
Мемлекет басшысының Қазақстанда атом энергетикасын дамыту мүмкіндігін зерделеу жөніндегі тапсырмасын орындау мақсатында реакторлық технологияларды таңдау бойынша бұрын жүргізілген зерттеулерді өзектендіру, атом электр станциясының қуаты мен құрылыс ауданын анықтау бойынша жұмыстар жүргізілді.
“Жүргізілген зерттеулердің қорытындысы бойынша Алматы облысы Жамбыл ауданы Үлкен ауылының аумағы АЭС құрылысының ең қолайлы ауданы ретінде таңдалды”, – делінген Энергетика министрлігінің хабарламасында.
Ведомство елдегі алғашқы атом электр станциясы үшін ұқсас станцияны салу және сәтті пайдалану тәжірибесінде тексерілген технологияны таңдау ұсынылады деп атап өтті. Осыған байланысты ядролық технологиялардың мынадай әлеуетті жеткізушілерінен тұратын “қысқа тізім” жасалды:
-hpr-1000 реакторы бар қытайлық CNNC компаниясы;
-кореялық KHNP C реакторы APR-1400;
-ВВЭР-1200 және ВВЭР-1000 реакторлары бар ресейлік Росатом;
– EPR-1200 реакторы бар француз EDF.
Зерттеу нәтижелері 2022 жылғы мамырда атом саласын дамыту жөніндегі ведомствоаралық комиссияның отырысында қаралды және мақұлданды.
“Атом энергиясын пайдалану туралы” ҚР Заңының 12-бабына сәйкес ядролық қондырғыларды салу және салу ауданы туралы шешімді аумағында қондырғы салу жоспарланып отырған жергілікті өкілді органдардың келісімімен Қазақстан Республикасының Үкіметі қабылдайды. Бұл ретте мәслихат жергілікті өкілді орган болып табылады.
“Осыған байланысты, 2022 жылғы қарашада Алматы облысы мәслихатының кезекті сессиясында аудан тұрғындарын қолдау шартымен құрылысқа келісім беру туралы шешім қабылданды.
Осыған байланысты Алматы облысының әкімдігі жария талқылаулар өткізуге бастамашылық жасады. Facebook парақшасында және Instagram – каналында бұқаралық ақпарат құралдары арқылы, атап айтқанда Атамекен газетінде (№28), сондай-ақ 2023 жылғы 21 шілдеде Жамбыл ауданы әкімдігінің ресми сайтында жарияланды”, – деп атап өтті ведомствода.
Бұдан басқа, Экологиялық кодекске сәйкес өткізілетін қоғамдық тыңдаулар жобалық құжаттама әзірленгеннен кейін жобаны экологиялық бағалау кезеңдерінде бастамашылық етілетін болады. Төмендегі кестеде қоғамдық талқылаулар мен қоғамдық тыңдаулар арасындағы айырмашылық көрсетілген
