Әлеуметтік желіде экс-президент Нұрсұлтан Назарбаевтың інісі Болат Назарбаевпен түскен суреті тарауда, деп хабарлайды kaskelen.kz порталы. Суреттен Болат Назарбаевтың арбада отырғанын байқауға болады.
Суреттің қай жерде және қашан түсірілгені белгісіз.
Еске сала кетейік, бұған дейін Болат Назарбаевтың миокард инфарктісінің қайталануымен Алматының Орталық клиникалық ауруханасына жеткізілгені хабарланған болатын. Кейіннен орталық клиникалық аурухана оның ауруханаға жатқызылғанын растады. Бірақ мекеме “медициналық құпия” деп науқастың жағдайы мен диагнозын айтудан бас тартты.
Сондай-ақ желіде экс-президенттің інісінің жағдайы тұрақсыз деп бағаланып, өмір мен өлім арасында екені айтылған еді.
