Қазақстандық файтер Шавкат Рахмонов UFC-дегі алтыншы кездесуінде жеңіске жетті. Спортшы Стивен Томпсонды тұншықтыру әдісімен жеңді, деп хабарлайды kaskelen.kz.
Бүгін Лас-Вегаста UFC 296 турнирінде қазақстандық файтер Шавкат Рахмонов (18-0) америкалық спортшы Стивен Томпсонмен (17-7-1) кездесті. Шавкат UFC промоушеніндегі алтыншы қарсыласын тұншықтыру әдісімен жеңді. Спортшы екінші раундта тұншықтыру әдісін жасады. Осылайша қазақстандық кәсіпқой мансабындағы он сегізінші, ал UFC-дегі алтыншы жеңісіне қол жеткізді. Рахмонов әлі күнге дейін бірде-бір рет жеңілген жоқ. Стивен Томпсон болса, кәсіпқой ММА мансабында жетінші мәрте есе жіберіп отыр.
Еске сала кетейік, Шавкат бұл жекпе-жекке дейін жартылай орта салмақ дәрежесінде 5 орындағы файтер болса, Стивен 6-орында тұрған еді.
