Түркістан облысында халықаралық іздеуде жүрген теріс діни ағымды ұстанушылар ұсталды, деп хабарлайды kaskelen.kz.
Бұл туралы 2023 жылдың 29 қыркүйегінде облыстық полиция департаментінде айтылды.
“Отырар ауданында 2021 жылдан бері халықаралық іздеуде жүрген 54 жастағы Өзбекстан азаматы ұсталды. Отанында ер адам ауыр қылмыс жасағаны үшін іздестірілді. Бір тәуліктен кейін алаяқтық жасағаны үшін халықаралық іздеуде жүрген тағы бір 33 жастағы Өзбекстан азаматы ұсталды”,-делінген хабарламада.
Түркістан облысы ПД мәліметтері бойынша, іздеуде жүрген екі қылмыскер де деструктивті діни ағымды ұстанушылар ретінде есепте тұр.
“Оларға қатысты тиісті процессуалдық шешім қабылданатын болады”, – деп толықтырды ведомствоның баспасөз қызметі
2023 жылғы 25 тамызда Солтүстік Қазақстан облысы полиция департаментінің экстремизмге қарсы іс-қимыл басқармасының қызметкерлері алматылық әріптестерімен бірлесіп Қазақстанда тыйым салынған діни-тоталитарлық сектаның ізбасарлары болып табылатын Ресей Федерациясының екі азаматын ұстағаны белгілі болды.
