2024 жылдың басынан бері Қазақстан халқының саны 210 139 адамға өсті, деп хабарлайды kaskelen.kz тілшісі Ұлттық статистика бюросының баспасөз қызметіне сілтеме жасап.
— Өсімнің негізгі бөлігі табиғи өсім есебінен болды — 198 443 адам, ал миграция есебінен халық саны 11 693 адамға өсті, — делінген хабарламада.
Табиғи өсімнің ең жоғары көрсеткіштері Түркістан облысында (36 628 адам), Шымкентте (20 348 адам) және Астанада (19 258 адам) тіркелді.
2024 жылдың 10 айында елімізде 309 310 бала дүниеге келді. Бала туудың ең жоғары деңгейі Түркістанда (1000 адамға шаққанда 25,14), Маңғыстау (24,64) облыстарында және Шымкентте (23,78) байқалды.
Осы кезеңде Қазақстанда 110 867 адам қайтыс болды, бұл өткен жылмен салыстырғанда 3,3%-ға аз (2023 жылдың қаңтар-қазан айлары аралығында -107 289 адам). Өлім-жітім деңгейі ең жоғары аймақтар Солтүстік Қазақстан (1000 адамға шаққанда 11,52), Шығыс Қазақстан (11,32) және Қостанай облыстары (10,17) болып табылады. Бұл осы аймақтардағы халықтың жас құрылымына байланысты.
Айта кетейік, 2024 жылғы 1 қарашадағы жағдай бойынша Қазақстан халқының саны 20 243 981 адамды құрайды.
