2023 жылғы 1 қыркүйектегі жағдай бойынша «Аграрлық кредиттік корпорация» АҚ-ға кәсіпкерлік бастамаларды іске асыру үшін жастарға берілетін жылдық мөлшерлемесі 2,5%-дық жеңілдетілген микрокредиттер алуға 6 мыңнан астам өтінім түсті деп хабарлайды Kaskelen.kz
Биыл жалпы 5 796 микрокредит беру жоспарланған. Қазірдің өзінде 4 122 жоба мақұлданды, деп хабарлайды ҚР еңбек және халықты әлеуметтік қорғау министрлігі.
Микрокредиттің мөлшері 5 млн теңгеге дейін, ал қатысудың ең ұзақ мерзімі – 5 жылға (кез келген мақсатқа) немесе 7 жылға дейін (мал шаруашылығы саласындағы жобалар үшін). Номиналды сыйақы мөлшерлемесі – жылдық 2,5%-дан аспайды.
•Микрокредит алуға өтінімдердің ең көбі Түркістан (851), Жамбыл (514), Қызылорда (434), Алматы (401), Батыс Қазақстан (393), Қарағанды (392) облыстарынан түсті.
Кредит алушылардың басым көпшілігі мал шаруашылығы, қызмет көрсету, сауда, өсімдік шаруашылығы және жеңіл өнеркәсіп саласын қамтыды.
Өтінім беру үшін құжаттар пакетін “Аграрлық несие корпорациясы” АҚ филиалына тапсыру қажет. Қазіргі уақытта микрокредиттер алуға өтінімдер барлық облыстар мен Астана, Алматы және Шымкент қалаларында қабылдануда.
