АФМ Қайрат Боранбаевтың активтерін оның тергеумен ерікті ынтымақтастығы шеңберінде мемлекет кірісіне қайтару жөнінде шаралар қабылдауды жалғастыруда, деп хабарлайды kaskelen.kz тілшісі.
Хабарламада айтылғандай, “Қаражанбас Северный” кен орны мемлекет меншігіне берілді, оның өндірістік параметрлері 2,6 млн тонна мұнай қоры бар 143 шұңғыманы және құны 35,4 млрд теңге болатын 13,2 млн текше метр газды құрайды.
Боранбаевқа тауарлық газды тасымалдаумен және сатумен айналысатын “Азия Газ Чунджа” газ тарату компаниясы да берілді. Компанияның нарықтық құны шамамен 14 млрд теңгені құрайды.
Сізге ұнауы мүмкін
Бұдан басқа, бағалау құны 9 млрд теңгеден асатын “ҚазТурбоРемонт сервистік орталығы” ЖШС мұнай-газ жабдықтарын өндіру және жөндеу зауыты мемлекет меншігіне өтеді. Кәсіпорын қызметкерлерінің штат саны – 740 адам.
“Бұл нысандардың барлығы мемлекет пайдасына берілетін болады”, – деді АФМ.
Бір күн бұрын Қайрат Боранбаев мемлекетке 34 миллиард теңгеге тағы бірнеше актив тапсырғаны белгілі болды.
АФМ хабарлағандай, кеңсе бөлмелері, сауда ойын-сауық кешені, сондай-ақ фитнес желісі мемлекет кірісіне беріледі.
Сонымен қатар, экс-кәсіпкер шетелден қайтарылған 66 миллион доллардан астам ақшаны қайтарып берді. Бұл туралы 17 қазанда АФМ хабарлады.
