ДДҰ басшысы Тедрос Гебрейесус өзін Қазақстан Президенті Қасым-Жомарт Тоқаевтың туысы деп атады, деп хабарлайды kaskelen.kz.
Астана декларациясының қабылданғанына бес жыл толуына және алғашқы медициналық-санитарлық көмек бойынша Алматы декларациясының қабылданғанына 45 жыл толуына арналған халықаралық конференция барысында ДДҰ басшысы өзін Қазақстанның бір бөлігі деп санайтынын атап өтті.
“Құрметті құда мырза, Президент Тоқаев. Құрметті министр Ажар Ғиният ханым. Құрметті министрлер, әріптестер, достар. Өз сөзімді “қайырлы таң!Қайырлы таң!” дегеннен бастағым келеді. Қазақстанға оралу – үлкен мәртебе. Мен Қазақстанды өз елім деп санаймын және Президент Тоқаев пен министр Ажар Ғиниятқа МСАК саласындағы көшбасшылығыңыз үшін алғыс айтқым келеді және осы конференцияны ұйымдастырғаныңыз үшін көп рахмет”, – деді ДДҰ басшысы.
Бұрын Гебрейесус туыстық қатынастары туралы еске түсірген болатын.
Сізге ұнауы мүмкін
“Менің қайын сіңілім – қазақ, сондай-ақ менің екі немерем ішінара қазақтар. Сондықтан Қазақстан – менің бір бөлігім, ал мен Қазақстанның бір бөлігімін”, – деді Тедрос Адан Гебрейесус Астанада өткен конференцияда сөйлеген сөзінде.
Естеріңізге сала кетейік, ДДҰ басшысының белгілі қазақ айтыскері Жүрсін Ержанмен туыстық байланысы бар. Ержанның немересі Тедростың Ұлы Адханом Гебрейеске үйленді. Ерлі-зайыптылар екі бала тәрбиелеп отыр.
