Әңгіме телеарнаның 1% акциясы туралы. Нұрсұлтан Назарбаев қорына КТК акцияларының 90%-дан астамы тиесілі, деп хабарлайды kaskelen.kz.
Алматының мамандандырылған ауданаралық экономикалық соты Бостандық ауданы прокуратурасының “Коммерциялық телевизиялық арна” АҚ акцияларының 1% сыйға тарту шартын жарамсыз деп тану туралы талабын қанағаттандырды. Бұл үлес бұрын “МаңғыстауМұнайГазға”, ал қазір Нұрсұлтан Назарбаев қорына тиесілі болған.
КТК акцияларының 1%-ның бұрынғы иесі – “Маңғыстаумұнайгаз” АҚ бейінді емес активті аукционда сатуға тырысты. Бірақ сатып алушылар табылмады, сондықтан акциялар арнаға сыйға тартылды, олар кейінірек басқалармен бірге КТК акционерлерінің бірі – Нұрсұлтан Назарбаев қорына берілді.
Сізге ұнауы мүмкін
“Маңғыстаумұнайгаз” АҚ мен “Коммерциялық телеарна” АҚ арасында жасалған 2016 жылғы 19 желтоқсандағы акцияларды сыйға тарту шартын жарамсыз деп тану”, – деп шешімді судья Гаухар Қасымбаева жариялады.
Ол өзінің шешімін мәміле “ҚР Мемлекеттік мүлкі туралы” заңды бұза отырып жасалғанын түсіндірді.
“Маңғыстаумұнайгаз” өкілі сот ісін мойындады, ал КТК мойындамады.
91,36% үлесі бар КТК ірі акционері Нұрсұлтан Назарбаев қоры болып табылады, оның құрылтайшысы – Нұрсұлтан Назарбаев. Қор директоры-Дариға Назарбаева.
Сот шешімі күшіне енбеген және шағымдануға жатады.
