Сағат 15:00-дегі жағдай бойынша 42 қаза тапқан адамның денесі табылды, 4 кеншіні іздеу жалғасуда, деп хабарлайды kaskelen.kz тілшісі.
“Апатты жою жөніндегі жедел штаб тәулік бойы іздеу-құтқару жұмыстарын үйлестіреді. Кеншілер орналасқан ең қауіпсіз және ықтимал учаскелер бойынша тау-кен құтқарушыларының өту жолдары пысықталуда”, – деп хабарлады ТЖМ.
Іздеу жұмыстары бір-бірінен шамамен 4 км қашықтықта орналасқан екі өндіру учаскесінің ауданында жүргізіледі. Іздестіру-құтқару жұмыстарына барлығы 55 тау-кен құтқарушысы мен 15 техника жұмылдырылды.
“Тау-кен құтқарушылары қажетті жабдықтармен және байланыс құралдарымен қамтамасыз етілген. Газ жағдайын бақылау жалғасуда”, – деп қоса кетті ТЖМ.
Сондай-ақ шахтаға ТЖ министрі Сырым Шәріпханов түсіп, кеншілердің өрт және қаза болған жерлерін тексерді.
Сізге ұнауы мүмкін
Шұғыл медициналық көмекті қамтамасыз ету үшін 21 адам және 7 бірлік жедел медициналық жәрдем техникасы жұмылдырылды.
Қарағанды облысындағы Костенко шахтасында қайғылы оқиға 28 қазанға қараған түні 02:33-те болды. Жарылыс кезінде шахтада 252 адам болды, жер бетіне 206 шахташы шығарылды, қалғандары жер астында қалды. Іздеулер тәулік бойы жүргізілуде.
