Ішкі істер министрлігі қазақстандық олигархтар Бахаридин Әбләзімов пен Дінмұхамед Ыдырысовтың ұлдарын бұрынғы құқық қорғау органдарының қызметкері қорғағанын растады, деп хабарлайды kaskelen.kz тілшісі.
Желіде талқыға түскен төбелеске қатысы бар олигархтардың ұлдары Нұрмұхамет Нұғман мен Жармұхамед Аппаздың оққағары болған Біржан Валиев бұрын полиция қызметкері болып істеген.
“Аталған азамат 2020 жылдың 8 маусымынан бастап Ішкі істер органдарынан босатылды”, – деп жауап берді ІІМ баспасөз қызметі.
Айта кетейік, 2022 жылдың 28 желтоқсанында Алматыдағы Little Brazil караоке-барында жаппай төбелес болған. Отандық актер Асқар Жұмабек те жұдырықтасқандар қатарынан табылып, басы дауға қалды. Ол әлеуметтік желідегі парақшасында өзінің кінәсіз екенін айтып, Қасым-Жомарт Тоқаевқа бейнеүндеу жолдады.
Сізге ұнауы мүмкін
Төбелеске қатысқан айыпкерлерге ҚР Қылмыстық кодексінің 293-бабының 3-бөлігі “Атыс және газды қаруды қолдана отырып жасалған ұсақ бұзақылық”, ҚК-тің 106-бабының 2-бөлігі “Денсаулыққа қасақана ауыр зиян келтіру”, ҚК-тің 107-бабының 2-бөлігі “Екі немесе одан да көп адамға қатысты денсаулыққа қасақана ауырлығы орташа зиян келтіру” бойынша қылмыстық құқық бұзушылықтарды жасағады деген айып тағылып, 6 жыл 6 айға бас бостандығынан айырылған еді.
