Қызылордада Сырдария өзенінің арнасын тазартуға 5 миллиард теңге бөлінген еді. Бірақ жоба дұрыс жоспарланбағандықтан тазалау жұмыстарынан кейін ағын мен желдің әсерінен өзен арнасы қайтадан ластанып, қоқысқа толып қалған. Қаржы мониторингі өңірлік басқармасының қызметкерлері қабылдаған шаралардан кейін әкімдік 3,7 миллиард теңге көлемінде игерілмеген қаражатты басқа әлеуметтік мақсаттарға бағыттады, деп хабарлайды kaskelen.kz.
Сонымен қатар Көкшетау қаласының Станционный кентінде 1,4 миллиард теңгеге 160 орындық мәдениет үйін салу жоспарланған. Жобаның бастапқы құны 910 миллион теңге болды. Басқа елді мекендерде осыған ұқсас жобалардың құны айтарлықтай төмен.
Осыған байланысты Көкшетау қаласының әкімдігі шартты бұзу бойынша жұмыс жүргізуде, үнемделген қаражат есебінен басқа да әлеуметтік маңызы бар жобалар қаржыландырылатын болады.
