Қарағандыда 46 кеншінің өліміне әкелген Костенко атындағы шахтада болған жарылыстың себебі анықталды. Үкіметтік комиссия тексеруді аяқтап, қорытындысын жариялады. Мамандар конвейерлердің біріндегі үйкеліс әсерінен пайда болған механикалық ұшқыннан болғанын анықтады, деп хабарлайды kaskelen.kz порталы.
Қайғылы оқиға 28 қазанға қараған түні болған. Алдымен жер астында өрт шыққаны белгілі болып, кейін жарылыс орын алды. Ол кезде шахтада 252 кенші болған. Оның 46-сы жер бетіне шыға алмай қалды. Кеншілер мәйіттерінің қалдықтарын іздеу бір аптаға жуық уақытқа созылды. Төтенше жағдай кезінде тағы 24 адам зардап шекті, олар улы газға уланған.
Жұмыс берушінің кінәсі анықталып, 19 адам кінәлі деп танылып, 7 адам ұсталған. Олардың барлығы да Қазақстан азаматтары. Бұлар Костенко атындағы шахтаның жетекші инженерлік-техникалық қызметкерлері. Прокурорлар сол кезде шахтаға иелік еткен “АрселорМиттал” компаниясының шенеуніктері мен өнеркәсіптік қауіпсіздік комитеті департаменті қызметкерлерінің қатысы бар-жоғын тексеріп жатыр. Олар басқалармен қатар кәсіпорындағы техникалық жағдайларды бақылауға тиіс болған.
