Шымкентте бір топ жігіт 39 жастағы ер адамды ұрып өлтірген. Сот үкімімен күдікке ілінген жалғыз азамат сегіз жылға бас бостандығынан айырылды. Бірақ, бұл шешіммен марқұмның әйелі келіспейді, деп хабарлайды kaskelen.kz тілшісі 31-арнаның “Информбюро” бағдарламасына сілтеме жасап.
Бес баламен жесір қалған әйел тағы үш жасөспірімнің жазадан тыс қалғанына наразы.
Жантүршігерлік жағдай 2023 жылдың қыркүйегінде таңғы сағат 04:00 шамасында болған. 39 жастағы Толқын Абдурахманов пен 11-сынып оқушыларының арасында көшеде жанжал туындайды. Кейін төбелеске 20 жастағы тағы екі жігіт қосылады. Осы жағдайдан кейін бес баланың әкесі оқиға орнында мерт болады.
Сізге ұнауы мүмкін
Бір топ жастар мен азамат арасындағы кикілжің бейнебақылау камерасына түскен. Дегенмен адам өлімімен аяқталған бұл істе олардың біреуі ғана күдікке ілініп, 8 жылға сотталды. Судьяның айтуынша, сотталушы соққысынан кейін марқұмның миына қан құйылған. Ал төбелеске қатысқан өзге жасөспірімдер сотқа куәгер ретінде қатысты.
