Сенат депутаты Сұлтанбек Мәкежанов Қазақстанда жыл соңына дейін кәсіпкерлерге қойылатын қажетсіз мыңға жуық талаптардың алып тасталынатынын мәлімдеді, деп хабарлайды kaskelen.kz порталы 24.kz телеарнасына сілтеме жасап.
Қазірдің өзінде заңнамалық тәртіп жеңілдеп, 9 мыңнан аса талап алынып тасталды. Жыл соңына дейін тағы мыңға жуық міндетеме күшін жояды. Бұл жайлы сенат депутаты Сұлтанбек Мекежанов мәлімдеді.
Оның айтуы бойынша, елде қабылданатын жаңа Салық кодексі аясында салық төлемі 20 пайызға дейін азаяды. Сонымен қатар мемлекеттің экономикадағы үлесін төмендету де жоспарланып отыр. Соған байланысты жекешелендіру жұмысы қарқын ала бастады.
Сізге ұнауы мүмкін
“2025 жылға қарай мемлекеттің экономикадағы үлесін 14 пайызға дейін төмендетуге ұсынылып отыр. Жекешелендірудің кешенді жоспарын іске асыру шеңберінде 380 нысан іске асырылды, 64 нысан тарату немесе қайта ұйымдастыру сатысында тұр. Жаңа Салық кодексі әзірленіп жатыр, оның шеңберінде салық төлеушіге бағдарланған әкімшілендірудің сервистік моделі енгізілетін болады. Салық есептілігі 30 пайызға, ал салық төлемдері 20 пайызға қысқарады”, – деді парламент сенатының депутаты Сұлтанбек Мәкежанов.
