2023 жылдың қыркүйек айында әскерге шақырылған Әмір Байтұрғанов отанына қызмет ету жолында қайтыс болды, деп хабарлайды kaskelen.kz тілшісі Zakon.kz порталына сілтеме жасап.
Әмір үнемі спортпен айналысатын мықты жігіт болған. 2023 жылдың 21 желтоқсанында оның отбасына жағымсыз хабар жеткен – Әмір комаға түсіп қалған. Ал сағат 6:20-да жас жігіт қайтыс болған.
Кейін белгілі болғандай бірер күн бұрын жауынгерлік жаттығулардан кейін Әмір өзін нашар сезініп, жоғары температурамен дереу ауруханаға жатқызылды. Дәрігерлер ыстығын уақытша түсіре алған көрінеді.
Қорғаныс министрлігі Бас әскери-медициналық басқарма басшысының орынбасары Берік Ільясов сарбаздың өліміне жіті инфекциялық менингит себеп болуы мүмкін дейді.
Бірақ сарбаздың ата-анасы бұл диагнозға күмәнмен қарайды. Өйткені Әмірдің ұзақ уақыт бойы бүйрегі ауыратынын айтқан. Жігіттің әкесінің сөзінше, Әмір тиісті ем алмаған, оны тек УДЗ жасап, екіжақты пиелонефрит диагнозын қойғаннан кейін ғана “санчасть-қа” жіберген. Сарбаздың отбасы өлімге қатысты тергеу жүргізуді талап етіп отыр. Ал Қорғаныс министрлігі сарбаз бүйрек ауруынан көз жұмғанын жоққа шығарып отыр.
