Халық әртісі Мақпал Жүнісова марқұм саясаткер Заманбек Нұрқаділовтің туған күнінде ас берді, деп хабарлайды kaskelen.kz.
Саясаткер тірі болғанда 80 жасқа толатын еді.
“Зәкең бар болса 80 жасты тойлар едік. Әттең бір қанішердің құрбаны болып кеттіңіз. Соларды таппайынша, халыққа көрсетіп, естіртпейінше сіздің рухыңыз тынышталмайтынын мен жақсы білемін, Зәке! Алла енді сол күнді де естіп, көруді нәсіп еткейсің.”, – деп жазды өнер иесі.
Әншінің тыңдармандары Заманбек Нұрқаділов туралы жақсы естеліктері мен жасаған игі істерін бөлісіп жатыр. “Қанша қазаққа Алматы қаласынан жер беріп, үй беріп баспаналы етті. “Шаңырақ”, “Думан”, “Қалқаман” ықшамаудандарын осы кісі ашқан. Осы аудандардың бірінен ол кісінің атынан көше берілсін. Кім болса соның аты беріліп жатқан көшелердің біріне осындай қоғам қайраткерінің аты неге берілмейді?”, “Есімде мен сіздің үйде болдым ғой. Ол кісімен әңгіме айтып едік. Роза апа қалай екеулеріңізді жақсы көретін. Үндемей қала алмадым. Сізге денсаулық тілеймін! Дұға қабыл болсын”, “Екеуіңіз сахнаға ән айтып шыққандағы кез есімде. Бақытты екендеріңіз жүздеріңізден көрініп тұрды”, деп жазып жатыр желі
