Денсаулық сақтау министрлігі Алматыда жер сілкінісінен зардап шеккендердің саны 44-ке жеткенін мәлімдеді, деп хабарлайды kaskelen.kz.
Министрліктің хабарлауы бойынша, 23 қаңтарға қараған түні алматылықтар қатты жер сілкінісінен бас жарақаты, түрлі жеңіл және орташа ауырлықтағы жарақаттары бар 44 адам медициналық көмекке жүгінді.
“Әр түрлі көрсеткіштермен олар қаланың стационарларына жеткізілді. Оның ішінде 34 ересек адам, оның 3-і ауруханаға жатқызылса, 31 адам амбулаториялық емделуге жіберілді”, – делінген хабарламада.
Бұған қоса 10 бала медициналық көмек алды. Оның 5-еуі ауруханаға жатқызылса, 5-еуі амбулаториялық емге жіберілді.
Сізге ұнауы мүмкін
Еске сала кетейік, бүгін түнгі сағат 03:00-де 8 адам жарақатпен ауруханаға жатқызылды. Жарақат алған үш адам тұрғын үйлердің 2 және 3-қабатынан секірген.
