kaskelen.kz порталы қазақстандық банктерде қолжетімді ең тиімді депозиттердің топтамасын ұсынады.
1) Халық арасында танымал Kaspi.kz сыйақының тиімді мөлшерлемесі теңге үшін 15%, ал доллар бойынша 1% болатын депозиттерді ұсынады. Теңгедегі депозитті ашу үшін ең аз сома — 1 000 теңгені, валютадағы депозитті ашу — 10 АҚШ долларын құрайды. Депозиттерді Қазақстанның депозиттерге кепілдік беру қоры сақтандырған. Бұл қызметті банктің мобильді қосымшасынан онлайн немесе кез келген банк бөлімшесінен ашуға болады.
2) Jusan банкі жылдық тиімді сыйақы мөлшерлемесі – 15,5% дейін жететін депозит қызметін ұсынады. Салымды ашу үшін ең аз сома – 1 000 теңге/50 АҚШ доллары/50 Еуро/2000 Ресей рублі. Депозит мерзімі ұлттық валютада 12 ай немесе 24 айға, ал шетел валютасында 12 айға созылады. Салымды Қазақстанның депозиттерге кепілдік беру қоры сақтандырған және депозитті банктің мобильді қосымшасы мен кез банк бөлімшелерінен ашуға болады.
Сізге ұнауы мүмкін
3) Halyk Bank 16,0% дейінгі тиімді сыйақы мөлшерлемесімен депозит ашуды ұсынады. Оны 6-24 ай арасында ең аз сомасы – 15 мың теңге/50 АҚШ доллары болатын қаражатпен аша аласыз. Депозитті толықтырып отыруға не ішінара шешіп алуға болмайды. Одан бөлек Halyk Bank 15,2% тиімді сыйақы мөлшерлемесі бар депозит ұсынады. Бұл салымды ашудың ең төменгі сомасы – 1 мың теңге/10 АҚШ доллары болса, мерзімі – барлық валюта үшін 12 ай. Айтылған депозитті толықтырып отыруға не ішінара шешіп алуға болады. Банк депозиттерін Қазақстанның депозиттерге кепілдік беру қоры сақтандырған.
4) BankCentercredit «Чемпион» депозиті үшін 15.5% мөлшерлемемен сыйақы ұсынады. Депозитті ашудың ең аз сомасы – 1000 теңге/10 АҚШ доллары/10 еуро/1000 Ресей рублі. Қызметті ашу мерзімі – 13 немесе 24 ай. Салымды ішінара шешіп алу мен толықтырып отыруда ешқандай шектеу жоқ.
Айта кеткен жөн, депозит ашуды жоспарлаған болсаңыз, алдын ала өзіңіз таңдаған банктің онлайн калькуляторынан сыйақы мөлшерін есептеп алуға болады.
