Алматыдағы Барахолка аумағында үлкен өрт туды, деп хабарлайды kaskelen.kz тілшісі Алматы ТЖД-ға сілтеме жасай отырып.
Алматы ТЖД баспасөз қызметі хабарлағандай, 12 тамызда сағат 07:16-да Жетісу ауданындағы өрт туралы хабарлама келіп түсті.
“Москвин көшесіндегі қоймалар жанып кетті. Бұл жерде қаланың ТЖД күштері мен құралдары жұмылдырылған. Жедел штаб ашылып, бірнеше өрт сөндіру учаскелері құрылды”, – деді құтқарушылар.
Ведомствоның мәліметінше, ғимараттың құрылымдық ерекшеліктеріне байланысты жоғары температура мен құрылымдардың құлау қаупі пайда болды.
“Өрт сөндірушілер қауіпсіздік техникасын сақтай отырып жұмыс істейді, көрші қоймаларды сөндіруге және қорғауға оқпандар енгізілді. Өртті сөндіруге 25 техника, 85 адам ТЖД күштері мен құралдары, сондай-ақ қаланың өзара іс-қимыл қызметі жұмылдырылды”, – деп қорытындылады ведомстводан.
Жәбірленушілер мен зардап шеккендер туралы әлі ақпарат жоқ. Өрт сөндірушілер көрші қоймаларға өрттің алдын алу жұмыстарын жүргізіп жатқанын, көрші қоймаларды сөндіруге және қорғауға оқпандар енгізілгенін хабарлайды.
ТЖД баспасөз қызметінің мәліметінше, өртті сөндіруге ТЖД күштері мен құралдары жұмылдырылған: 35 техника, 100-ден астам адам, әкім аппаратының 109 құтқару қызметі, Алматы Су – Алматы Тазалық су тасығыштары судың үздіксіз берілуін қамтамасыз етеді.
